النهارده حلمت بيكي صفاء عبد ربه

النهارده حلمت بيكي
حلم مايصدقوش خيال
حلم أصعب م الحقيقه
حلم بيقول محال
ان ممكن أبقي ليكي 
مهما يمر بينا الزمان
حلم شوفته في عينيكي
بتقول دا مستحيل
مستحيل مفيش مجال
وأنا الل كنت طاير بيكي
طاير فوق السحاب
وانتي بتنهي حياتنا
كل مره بالعذاب
طب قبله كنتي قولي
قولي ولو كلمة عتاب
ليه تكون دي النهايه
بعد ما كنا .. أعز أحباب
ودلوقتي .. بقينا قصه
في جزء من كتاب
سطر فيها حزن
والسطر تاني عذاب
مستحيل
مستحيل أنا مش مصدق
ان اللي بينا ضاع محال
وان بقينا غنوة حزينه
بتتغني في الموال
مستحيل
مستحيل ان اللي بينا
يكون صوره رسمتها
وحدي م وحي الخيال

صفاء عبد ربه