:: (( عربي ضعيف )) :: بقلم / أحمد جمعة

بقلمي أكتب : عربي ضعيف
ومسكت القلم لاجل إني أكتب بيه وطن
رد القلم مستغرب وقال
هكتب عن أنهي وطن ؟!
وقولت إكتب من سكاات
¤¤ بعدت الحروف عن بعضها واتفرقت
دا كأنهاا ما صدقت
وصبحت ف لحظه بتتكلم
ازاي هنتجمع ؟
وهوا ف الأصل متقسم !
وطن وصابه العطن _ والصوت جوااه مكتوم
والرأي متكمم
وعدو واقف ف وسطنا
صاحب ومش حاسين
وكأنه متلثم
دا عدونا واحد
صهيوني نافخ كير
لكننا سيبناه
وصنعنا بينا عداوات كتير
بنحارب ف بعض
جوا بيت بناه زمان أجدادنا _
حطوا أساس البيت
وقالوا عمروه يا أحفادنا
وربوا فيه أولادكم
زي ما ربينا أولادنا
وعلموهم ايه معني الوطن والإنتماء
ازرعوا جواهم الإخلاص ويا الوفاء

رااح الولاد سابوا العدو
وأمنووله كمان حدوده
ولحلمه كدا حققوله
كان حلم صعب و سنين بيتمناه
وقوام رجعله الجزء اللي بصعوبه أخدناه
وعلي طبق من دهب روحنا وقدمنااه
وسلااام عليك ياوطن من ايدينا ضيعنااه
العيب مش عليك العيب عليناا
¤¤ عربي ضعييف _ علمووه
إزاي يعيش يجري يطاطي ينحني لاجل الرغيف
يمشي جمب الحيطان دايما ف حاله
خلوه مواطن حابب عدوه وكيوت لطيف
ومووت عادي لو مش لاقي
أو ناام خفيف
مش شرط يعني تعيش شريف
إعمل ما بداالك
لكن خليك دايما ف حالك
واقفل بيبانك واسمع كلامنا
إعمل إنك كفيف
كلامنا هو اللي صح
والباقي إرهابي كدب وزييف
وسلاااام علي وطن الرغييف
عربي ضعيف : لأحمد جمعه