:::: حس يا واد ::::
حس يا واد بالمحروم حس
على قسوه قلبك هنا بص
شوف الطفل حضناه سخره
وقلبك يشبه نفس الحجره
بس الجحره يا ناس بنحس
اتامل ف قساوه قلبك
ربنا وصاك على المسكين
بس يا عينى بنوعظ مين
قلب ما يعرف الاحسان
و لسانك كرابيج سكاكين
المولا اداك المال
سلطه وجاه وبيت وعيال
لجل تحس بنعمه ربك
لجل ما ترحم طقل ضعيف
كل احلامه جوه رغيف
علشان بيه هيسكت جوعه
وانت بتتفرج يا ظريف
على كل دموعه والامه
على بكره الا مهوش قدامه
علشان طفل يتيم ف الشارع
وما يملكشى حق رغيف
روح منك لله يا جبان
عمال تسعى كالتعبان
تملا جيوبك تملا الكرش
وغيرك ما يملكش القرش
الا يعيش بيه اولاده
اه من الدنيا الغداره
فين الرحمه ياناس ياخساره
طفل بريئ يسكن الشارع
ويلقا الحب يا ناس ف حجاره
بقلم / مياده محمد
ليست هناك تعليقات:
إرسال تعليق