انت مسلم والا قلبك
الاسلام ما دخلشى فيه
انت ايه
عمال بتطلق الرصاص
ع البشر ما اعرفش ليه
عملك ايه العسكرى
عملك ايه يا مفترى
ليل نهار واقف بيحمى
كل حفنه من تراب ارضه ويلده
بيدافع عنى وعنك
يحمى شرقك يحمى عرضه
ذمبه انه ساب ميراته
ذمبه انه ضحا بحياته
للوطن وراح مجاش
ذمب ابنه الرضيع
ابوه يضيع ويروح بلاش
وتسيل دماه فوق الرمال
دم الشرف دم الرجال
وصرخه من قلب الحجر
هزت الكون والجبال
واقف يواجه الخطر
ولا عمره كان مصرى جبان
مش ذيك انت ترمى
الرصاص وتستخبى كالفاران
30 تابوت مروحين
ف العلم اهم ملفوفين
على الوجوه اثر الرمال
من تراب الغاليه سينا
تابوت لمحمود ابن عمك
وتابوت لاخوك الغالى مينا
غسلت دماهم رمل سينا
وكل من كان له حبيب
ما عرفش لحظتها يفرق
دم الهلال والا الصليب
والصرخه عليت والاهات
لكل ام واقفه بدموعها
عزونى يلا ابنى مات
يا امو الشهيد يا مؤمنه
ابنك اهوه فوق ف السما
فرحان بجنه ربنا
حواليه طاير سرب حمام
يا امو الشهيد ما تعيطيش
ذى ابنك ده ما فيش
صاحب الشفاعه والمقام
وانت يا ظالم بالقوى
غضبت ربك القوى
وحياه ربك الا خلق
والا ف ناره هتتحرق
من ظلمك مش رح يوم تنام
حبه ذقون من فوق وشوش
لقلوب حجر وانياب وحوش
وقلوب ومليها الطمع
لجل المناصب والفلوس
30 تابوت خربو الديار
ضاق النفس والعقل طار
والعسكرى اخر النهار
هيبات ف قبره يا بشر
ام بتحكى بالدموع
ومجهزه حنه وشموع
عشان تحنى ابنها
قادت الشموع على قبرها
والكفن كان له بدلته
زغروده يلا لحضرته
اصل العريس راح جنته
ما سكنش قبره يا بشر
كل نقطه دم نازله
بفرحه ف عمرك يا شهيد
كل نقطه بشفاعه
للقريب والبعيد
وانت داخل جنتك
الحكايه مش حكايه
جندى واقف ع الحدود
الحكايه انك انانى
وقسوتك ما لهاش حدود
لما تبكى قلب ام على ضناها
ودمعها يملا الوجود
وانت فرحان وسعيد
هتذوق عذاب دم الشهيد
وقلبك عبد من العبيد
لشيطان هواك
عرفت انت تبقا ايه
بقلم :: ميادة عبد العزيز
ليست هناك تعليقات:
إرسال تعليق