دواير ..دواير ..دواير
بنرسم على قلوبنا دواير
تحمينا من اللى فات
ومن اللى باع ..واللى خان
ومن الذكريات
دموع ملت طريقنا
وحزن واهات
ما كانش الفرح نصيبنا
ولا عرفنا طعم الحكايات
مبقاش فاضل غير عقل
واعى بقسوة النظرات
كنا مره اتعاهدنا
بحاجات وحاجات
ولما اتقابلنا
كان الحب مات
دواير راسمه خطوينا
بتغير كل اللى فينا
بترجعلنا الذكريات
محبوسه جوانا غنوتنا
محبوسه ويا ضحكتنا
عابت عنا ساعات وساعات
ليست هناك تعليقات:
إرسال تعليق