(( فى ناس بتشوفها مره وتعيش جواك سنين )) بقلم // ابراهيم الحلو

 

فى ناس بتشوفها مره وتعيش جواك سنين
وناس فى كل مره بتشوفها تقول دى مين
وناس تاخد حاجات وناس بتسيب حاجات
وناس عشان حاجات ممكن تبيع حاجات
وناس عشان ساعات ممكن تبيع سنين
فى عيون تشبه عنينا صافيين و قريبين
وعيون تشبه مدينه مفيهاش الطيبين
وعيون حزن وسكوت وعيون حضن وبيوت
وعيون بتروح تموت وعيون تقدر تفوت
جواك فى ثانيتين وعيون بتروح وتأسى
وعيون بتروح وتنسى وعيون لما نداويها
من اسوة السنين بتروح قوام وتنسى
ويبقوا فرحانين
وعيون تبان حزينه وتقول يا مجروحين
وهما فى الحقيقه اكبر خداعين
وعيون صافيه وجريئه جواهم الحقيقه
وعيون لما تصاحبهم تلاقيك قوام حبيبهم
وعيون تشوف جمالهم وتشوف بعنيك دلالهم
وعيون فى الحب صادقه وقلوبهم فرحانين
وعيون تسأل تجاوبك من غير كلام بنظره
وتعرف تمام اجابتك ويوصل الحنين
وعيون فى الشوق تحير وعيون تقدر تكون
وياك ويا السكون فى العشق فى الغرام
وياك و بدون كلام ....................
امضاء ابراهيم الحلو