((( قــــــــول يـــــــــارب ))) بقلم // محمد أبو الحسن

 

::: قـــــول يـــــارب :::

إوعى .. تبكى

ولا تشكى لحد غيرك

وقف الدمع فى عينيك
وإقبل الجاى من مصيرك
دنيتك لو بين إيديك
بكره رايحه لحد غيرك
إوعى .. تبكى
شيل همومك جوا نفسك
مين فى يوم ع الهموم
يقدر ينافسك
ولا يتقاسم معاك
تعبك ويأسك
إوعى .. تبكى
إبلع الدمع الحزين
جوا جوفك
إوعى يظهر
من عينيك
ألمك وخوفك
ولا تبين آهاتك
بين حروفك
وإن بكيت
قوللى مين راح يسمعك
مين هيقدر للحياة
مره تانية يرجعك
ولا هيطيب جراح
جوا قلبك توجعك
إوعى تبكى غير لربك
هو أعلم باللى صايبك
وإن ناديته يبقى جنبك
فـ .. يلا إبكى
وقوووول يارب

محمد أبو الحسن