((( قلبــــى دق ))) بقلم // هشام عبدالجواد

--- قلبى دق ---

 قلبى دق انا قلت مالك
دا اللى عايش جوه فيك
وهم سارح فيه خيالك
عمره يوم ما هيبقى ليك
لما ميل يوم وجالك
قصده كان يتسلى بيك
كان بيرضى غروره حالك
لما شاف حبه فى عنيك
قلبه لو حس بسؤالك
كان فى يوم دور عليك
ايه يفيدك قربه وا نت
مش فى باله ما دام ناسيك
شيله من جواك وبيعه
الا لو كان يوم شاريك
بكره تندم لما يبعد
حتى من غير ما يناديك
وافتكرنى لما تعرف
ان قصده مكنش ليك
  بقلم / هشام عبدالجواد