مزاد الدموع
حد يشترى الدموع
اللى نازله من عينيا
حد هيقدر دموع
كارهه اعيش ف الدنيا ديه
حد رح يقول بكام
ومين هيقول لاء لاء حرام
ومين رح ياخد الدموع
كلها وارتاح شويه
م الدموع ومن الالم
م السهر ومن الندم
ع اللى عدا واللى راح
واللى ساب ليا الجراح
راح بعيد وسط الطريق
وفاكر انه اللى انظلم
اه يا دمع العين بلاش
تبكى ع اللى راح مجاش
قالى كلمه ما قولتهاش
وراح رمينى للعدم
اه يا دمع العين يا ظالم
قلبى عاش ف الحب حالم
ادى كل الحب لكن
عاش طريقه ف المظالم
مين هيفتح المزاد
دمعه شوق دمعه سهاد
دمعه تسال ع الحبيب
تسرخ اه يوم البعاد
دمعه راحه ودمعه جايه
دمعه تحكى عن اسيه
دمعه تترجى الحبيب
يكفى البعاد خليك شويه
دمعه تحكى عن ظروف
دمعه عااشقه طريق بخوف
دمعه تحكى عنن حبيب
كنت احس بيه زمان
كان امل وبركان حنان
بس يا خساره الزمان
دايما يغير كل الشئ
والدموع مليا الطريق
والقلب قاد فيه الحريق
لازم مزاد ف اللحظه ديه
علشان ابيع كل الدموع
اللى بتصرخ ف الضلوع
لازم اقيد تانى الشموع
يمكن يا ناس ارتاح شويه
يلا افتحو المزاد
حبى بيروح ف الرماد
شايقه اهوه ليل البعاد
بس مش هاين عليا
بقلم / مياده عبد العزيز
ليست هناك تعليقات:
إرسال تعليق