----- علشان خاطر ابويا الغالى -------------------------------------
انا مواليد سبعين لو اهمك
لكن عمرى ما شفت جمال
لكن ابويا كتير كلمنى
كان بحكيلى كفاح ونضال
راجل جاى من قلب الشارع
لابس ذينا عمه وشال
كان بتكلم نفس اللهجه
عاش و يانا الحلم وقال
بكره هنبنى بلدنا بايدنا
هنعليها فى كل مجال
خلى قناتنا ملك ادينا
اممناها دى اغلى قنال
--- ------- -------
مره نده لى ابويا وقالى
ليه مستعجل يابنى تملى
حلمك عمره ما راح يتحقق
غير بالصبر تكون متحلى
اسمع منى كلامى الجد
شعب الدنيا اتخلت عنه
شعب احتار فى بناية سد
لكن ربك الهم ناصر
قال لنا حطو يد فى يد
نتعب نعرق بس شويه
لجل الراس ما تطاطى لحد
قالها هنبنى وادينا بنينا
والناس شافت من حولينا
لما المصرى يقول انا هبنى
يبقى كلامه جد الجد
---- ----- ---------
انا مش عسكر
ولا اخوانى
لا اعرف ناصر
ولاعلمانى
يمكن شاعر
قول حلوانى
او فكهانى
لكن اللى يمس بلادى
يبقى كيانه لاذم يتهد
واللى يحبه ابويا هيسكن
جوه فى قلبى وكل كيانى
----- ---- ----
مره حكالى ابويا حكاية
حلم جميل
قالى اللقمه كنا نشيلها
فى المنديل
كانت بصله وحبه ميه
فى قله ونشقى لحد الليل
ارض الباشا وان كان عاجبك
ومفيش غير الذل بديل
اوعى فى يوم ترفع لى حواجبك
او تشتكى من حمل تقيل
وفى يوم هل علينا جمال
قال مبأش الحلم خيال
ارفع راسك دا انت المصرى
وعشان مصرى
لاذم فوق الراس تتشال
ازرع ارضك واحفظ عرضك
والعبوديه من دى اللحظه
وطول ما انا عايش
تبقى محال
----- ---- -----
خلى عيالنا بقت تتعلم
ذى عيال الباشا زمان
خلى عيالنا فى نفس التخته
ويا عياله بالمجان
خلى الخوف جوانا اتكلم
ومفيش حاجه اسمها اعيان
وابن الخولى اصبح ضابط
فى الداخليه
وابو يوميه شوف بقا عنده
كام فدان
انا معرفش جمال والله
عمرى ما شفته ولا كلمته
لكن علشات خاطر ابويا
يبقى جمال على عينى وراسى
واللى يحب جمال انا احبه
واللى يسبه
امسح اسمه من كراسى
رحمه ونور على روحك يابا
واللى تحبه هفضل احبه
لو افديه بجميع انفاسى
رحمه ونور على روحك يابا
ياللى سايبنى لوحدى بقاسى
واللى تحبه لو كان جانبك
يبقى عليه 100 رحمه ونور
وان كان عايش لاذم اروح له
وابوس ايده
لو راح اقف له العمر طابور---------------------------------------------------------------------------------- بقلم / هشام عبدالجواد -------------------------------
انا مواليد سبعين لو اهمك
لكن عمرى ما شفت جمال
لكن ابويا كتير كلمنى
كان بحكيلى كفاح ونضال
راجل جاى من قلب الشارع
لابس ذينا عمه وشال
كان بتكلم نفس اللهجه
عاش و يانا الحلم وقال
بكره هنبنى بلدنا بايدنا
هنعليها فى كل مجال
خلى قناتنا ملك ادينا
اممناها دى اغلى قنال
--- ------- -------
مره نده لى ابويا وقالى
ليه مستعجل يابنى تملى
حلمك عمره ما راح يتحقق
غير بالصبر تكون متحلى
اسمع منى كلامى الجد
شعب الدنيا اتخلت عنه
شعب احتار فى بناية سد
لكن ربك الهم ناصر
قال لنا حطو يد فى يد
نتعب نعرق بس شويه
لجل الراس ما تطاطى لحد
قالها هنبنى وادينا بنينا
والناس شافت من حولينا
لما المصرى يقول انا هبنى
يبقى كلامه جد الجد
---- ----- ---------
انا مش عسكر
ولا اخوانى
لا اعرف ناصر
ولاعلمانى
يمكن شاعر
قول حلوانى
او فكهانى
لكن اللى يمس بلادى
يبقى كيانه لاذم يتهد
واللى يحبه ابويا هيسكن
جوه فى قلبى وكل كيانى
----- ---- ----
مره حكالى ابويا حكاية
حلم جميل
قالى اللقمه كنا نشيلها
فى المنديل
كانت بصله وحبه ميه
فى قله ونشقى لحد الليل
ارض الباشا وان كان عاجبك
ومفيش غير الذل بديل
اوعى فى يوم ترفع لى حواجبك
او تشتكى من حمل تقيل
وفى يوم هل علينا جمال
قال مبأش الحلم خيال
ارفع راسك دا انت المصرى
وعشان مصرى
لاذم فوق الراس تتشال
ازرع ارضك واحفظ عرضك
والعبوديه من دى اللحظه
وطول ما انا عايش
تبقى محال
----- ---- -----
خلى عيالنا بقت تتعلم
ذى عيال الباشا زمان
خلى عيالنا فى نفس التخته
ويا عياله بالمجان
خلى الخوف جوانا اتكلم
ومفيش حاجه اسمها اعيان
وابن الخولى اصبح ضابط
فى الداخليه
وابو يوميه شوف بقا عنده
كام فدان
انا معرفش جمال والله
عمرى ما شفته ولا كلمته
لكن علشات خاطر ابويا
يبقى جمال على عينى وراسى
واللى يحب جمال انا احبه
واللى يسبه
امسح اسمه من كراسى
رحمه ونور على روحك يابا
واللى تحبه هفضل احبه
لو افديه بجميع انفاسى
رحمه ونور على روحك يابا
ياللى سايبنى لوحدى بقاسى
واللى تحبه لو كان جانبك
يبقى عليه 100 رحمه ونور
وان كان عايش لاذم اروح له
وابوس ايده
لو راح اقف له العمر طابور---------------------------------------------------------------------------------- بقلم / هشام عبدالجواد -------------------------------
ليست هناك تعليقات:
إرسال تعليق