عاوز تعرف ميادة محمد

عاوز تعرف
انت بدايتك والا نهايتك
بتكون فين
أنت بديتك ف رحم أمك
ونهيتك مع قبر يضمك

تيجى الدنيا بفرحه وشمعه
وتودعها بصرخه ودمعه
يعنى بديتك ويا نهايتك
منقوشه جوه ف أعماق أمك
لما تجيلها تحس بفرحه
جوه جناين افراح طارحه
أما تجلها لسه جنين
طفل صغير جدا مسكين
تسهر ليلها تشوف طلباتك
تبقا ف عمرك كل حياتك
تبقا فى عمرك لمسه وضمه
تبقا ف روحك عيله ولمه
تبقا الوطن الا ماتقدرشى
تبعد عنه ف يوم ولا ثانيه
بتضيع عمرها على شانك
تتعذب قوى من حرمانك
تحزن لو لمحت أحزانك
ينزل دمعها جوه كفوفك
لو لمحت دمعه ف عيونك
وتنادى شبابها ف شبابك
وتلاقى راحتها ف بسماتك
وبتتمنى تشوفك احسن
والأفراح بقه مليا حياتك
وأما بتتعب تتعب أكتر
تسهر ليلها بدمعه تفكر
أذاى تمحى همومك عنك
وتلمح السعد ف أيامك
وأما بيجى ميعا د الموت
تصرخ صرخه تهز تابوت
ودمعه بتحكى طريق أحزان
دمعه بتنسج ف الأكفان
دمعه تنادى تقول ياولادى
انتو ولادى أنتو ضايا
تحويشه العمر الا معايا
انت ياواد تحويشه عمرى
ليلى يهارى وشمسى وقمرى
أستقبلتك يوم بالشمعه
وبودعك اليوم بالدمعه
ولا حد رح يبكى عليك
ولا حد يشيل عنك همك
أوعى ياواد تغضب يوم امك
وتبات يوم غضبانه عليك
لسه هتسأل عن بدياتك
عن نهاياتك
لسه بتسأل جوه ف ذاتك
وتقول مين
لأ ياحزين عقلك والله لسه تخين
أمك هى سر الكون
عايشه ف قلبك فين ماتكون
طيبه وعطف وقلب حنون
بص وفتش جوه ف ذاتك
عن بداياتك عن نهاياتك
رح تعرف كدا سر حياتك
وسبب ف دخولك جناتك
تبقا الأم
قلب حنون دايما بيضم
يغسل عنك دايما هم
تمحى بدعواتها قرب وغم
أيوه الأم
هى المجأ هى الواحه
جوه ف حضنها تلقا الراحه
هى بدايه وهى نهايه
حب وعطف وأخلاص وسماحه
هى الأم حضن يضم