خلاص ادمنت احزانى
بقلم محمد البلاط
يا ايامى
ليه بالاحزان محوطانى
يا ايامى في ايه تانى
لدوامه ليه وخدانى
كفايه بيتم ذلانى
وخدتى منى نور عينى
معدتش شايفه قدامى
واقدامى خطاها تاه
بدور على اللى يعنى
من البشر عشان القاه
يا ايامى في ايه تانى
وليه بالذل ظلمانى
وعقرب الساعات بيعد
ويوم ورا يوم وانا بأتهد
برغم الدنيا مليانه ورد
مطلتش غير الالم و البرد
وانا لسه فى اول عهدى
ليه تعبانى ليه ذلانى
وليه اسودت ايامى
راحوا الاثنين وضى العين
وشوك فى طريقى قدامى
طب اسأل مين
يكون بيا حنون
غير الرحمن العالى
غير الرحمن العالى
غير الرحمن العالى
يا ايامى في ايه تانى
جيبى همومك فى كاس واحد
هكون كالذاهد العابد
بيتألم ويتحمل
ويرمى همومه على الواحد
هكون كالذاهد العابد
واذكر ربى راكع ساجد
يا ايامى في ايه تانى
خلاص ادمنت احزانى
خلاص ادمنت احزانى
ليست هناك تعليقات:
إرسال تعليق