::::: ربك عالم :::::
أجمل حاجة بقي في الكون
لما تعيش إحساس مجنون
إنك تسرح .. تفرح .. تمرح
تكتب .. ترسم .. فين مايكون
ولما يصادفك هم يقابلك
إعرف إنه قدر مضمون
وكل ماتلقى حياتك ضلمة
عيش الدنيا بأجمل لون
من حواليك قوم لم الفرحة
يبقي دا زادك فى المشوار
كل ما ييجي الشوك فى طريقك
إوعي تفكر .. أوتحتار
أشكر ربك وأشكر أكتر
إسعى وواصل ليل ونهار
بين الليل والصبح حكاية
::: ربك عالم بالأقدار
وصبرك شيلو معاك كشعار
عيش متفائل .. وإحمد ربك
::: ربك عالم بالأسرار
محمد أبو الحسن
ليست هناك تعليقات:
إرسال تعليق