ع السطح شعر . محمود العيساوى

ع السطح
.....
طالعه الشمس تضوى
والصبح متلون غبار
مرصوف بناس غابت سنين 
مكتوب علينا بالوله
ينعيش فى حضن الغدارين
يا نموت هدر
نتلف بالعتمه وهناك
نغرق فى بحر السكرانين
ملناش طريق
غير الوطن
رغم انه اصلا مش طريق
بس مين
ع الغربه يقدر ينتصر
الروح تلف الكون سنين
ملهاش دروب غير الهلاك
تفضل تنادى مين هناك
عايش مماتش
ويرد صوت الموت انا
والكل عندى بينتهى
حتى الحنين
داب وانتحر

شعر . محمود العيساوى