بتحب مصر؟...................بحبهاهق هق هههههههههههههه...بتحب مصر..حلوه دى.
بحب مصر ايوا يا ياعم بحبهاااااااااا
بهمها....وبفرحها
وبالخطايا...والبلايا
وبحسنها...وبشمسها
وبضلها ..لحظة حنان
فى حضنها ...واضمها
امى الحنونه مدفونه بارضها
جدى وابويا فى تبرها
بتحب مصر ....بحبها
لو حتى لاجئ جنب شط نهرها
دا المايه خضرا
والزرقه لون بحرها
ويا حسنها...يا حسنها
وقت الاصيل والشمس
غرقانه فى دمها
اكتر عباد
مالين بلاد
زحام وهيصه
مولد ولامم اهلها
شوف اكلهم شوف شربهم
شوف همهم وسجنهم
وبرضوا راضين بحب ارضهم
مين زيهم...مين زيهم
رقه بحنان فى شمسهم
....بتحبها هق هق ههههههههه
يلعن ابوك لو ما تحبها
دى بلدنا ساجده لربها
ليل النهار وليل نهار
تدعى تنام الفتنه بصدرها
وتقولى انت يا سي بتحبها
يا واد...يا واد بلدنا كتبت
كتاب ويا الزمان
ومن زمان
عاش الحنان
والرقه جوا قلبها
وبحبها بهمها وسجنها
وتنام وتصحى وشكلك شكلها
مرتاح وراضى تسال سؤال
لو سبتها...لو سبتها
انا فين هلاقى زيها
فى حسنها...وفى وردها...وفلها
وانا عشت طول العمر مابين اهلها
اوعاك سؤال اللى اتولد على ارضها
انت صحيح بتحبها
عمره ما يكذب عندها
وتلاقى دمع العين يهيج ذكرها
مصر الحبيبه يا ابن عم
يحتار وصفها وانى منها
واعيش واموت فى طينة ارضها
واحبها ......واحبها
بقلم ///جمال محمود...
ليست هناك تعليقات:
إرسال تعليق