بتغيب و بتروح فين
انا قلت يعنى افتكرتى
غايب بقالى سنين
لو بالسنين تتحسب
اكثر من العشرين
من يوم ما كنا سوى
فى الجيش سنة تسعين
شايل جواز السفر
مكتوب علية اسمك
لفيت بلاد ربنا
والشط ما اعرف فين
ابنى فى غير ارضى
وازرع لغير ولدى
عيشة وبها راضين
ما انتى اللى فرقتى بين
اهلك وبين ناسك
رفعتى ناس فى السما
و دفنتى ناس فى الطين
وناس ولاد سبعة
و ناس ولاد تسعة
و ناس يا دوب عايشة
بالاسم بنى ادمين
يا بلدى انتى السبب
لما ميزانك مال
ميزان بكفة دهب
السلطه فيه والمال
وكفة تانية خشب
العيشة فيها محال
والعدل سطر اتشطب
واتبدلت الاحوال
وما لينا غير ربنا
نرفع ايدينا لية
ندعى لة يبعت لنا
فارس يكون عادل
ومصر ترجع لنا
ويبقى الميزان عادل
احنا اللى عشنا سنين
متغربين عنك
وحلمنا كلنا فى الفرح نتقابل
--------------------------------------------------------------------------------------------------بقلم\هشام عبدالجواد
ليست هناك تعليقات:
إرسال تعليق