صليت خلاص ياأبنى ... بقلم / مياده محمد
صليت خلاص ياأبنى
السنه بعد الفرض
شوفتك ساجد جمبى
ساجدين سوا ع الأرض
للواحد القهار
رحمن رحيم غفار
وعالم الأسرار
مالك ليوم العرض
اوعى فى تنسى
إن الصلاه نعمه
ورحمه من الرحمن
فى كل يوم جمعه
المسلمين دفعات
لجامع الرحمن
فى سعاده وبركات
م الواحد العدنان
وملايكه جوه صفوف
ميات كتير والوف
تطمنك من الخوف
وتبشرك بالرحمه
من الواهب الفتاح
وقلوب كتير ترتاح
وتشفا فيها جراح
لما ينادى المؤذن
حى على الفلاح
وتسمع الخطبه
يميل ليها قلبك
ينزل ليها دمعك
ودى دعوه من أمك
وحكمه من ربك
الخالق العليم
علشان ف يوم ما تروح
تروحله بقلب سليم
الدمعه فى عيونك
بتحكى عن طيبه
ونظافه فى قلبك
ودموعنا مش عيبه
حافظ على صلاتك
وشلها بين عينك
واوعى ف يوم الكسل
يخسرك سيدك
اللى خلق من عدم
جسد وفيه روحك
واداك فى قرأنه
ماتشفى بيه جروحك
اوعى فى يوم تتغر
وتضحك عليك روحك
ده كل شئ ذايل
وأحنا بنتحايل
على الدنيا ياولدى
فاكرنها يوم بتدوم
ده كل شئ له يوم
بس الامل دائما
فى الواحد القيوم
وصلاتنا وصيامنا
وذكتنا وتشهدنا
والحج والقرأن
هديه فى قلوبنا
من القادر الرحمن
دى وصيه من ولدك
من قلب بيحبك
اوعى تصيب ولا فرض
وتصلى فى جماعه
عشان تنول الرضا
وتفوز بشفاعه
حببنا يامحمد
ياأبن عبد الله
صلى عليك ربك
وامرنا نصلى وسلم
عليك فى كل صلاه
ليست هناك تعليقات:
إرسال تعليق