بقلم ايمن البلاط حلم

بقلم
ايمن البلاط

حلم

فى المغربيه قاعد شويه
ع البحر عمال افكر

شوفت صبيه ماشيه بحنيه
غزاله عماله تتمختر

لابسه مايو ياخلق هو
اشى احمر واشى اصفر

شوفت الجمال شوفت الدلال
وعيونها بسم الله اكبر

الجسم ملبن
والصدر ياخواتى مرمر

الشفايف والله كريز
والخدود تفاح احمر

رايحه جايه على وش الميه
وانا مكانى متسمر

نادت عليا بصوت رقيق
قالتلى مالك متحجر

تاه منى الكلام
ووجهى عن حالى عبر

جت البنيه مسكت ايديا
وقالت يلا نبحر

قولتها عفوا ملاكى
مقدرش اعوم معاكى
انا كدا ابقى بنتحر

ابتسمت بسمه جميله

قالت مافى شئ بيدر

هنزل لحالى
وانت استنى على البر

فضلت واقف مستنى
لحد ماطلع النهار

الشمس عليا حاميه
والاصعب حرارة الانتظار

وفجأه صحيت من نومى
ولقيتنى قاعد على السرير

ضحكت على حالى
وقولت اللهم اجعله خير

كان حلم جميل

بقلم
ايمن البلاط