فستاني كان احمر بقلم الشاعرة ..مياده محمد..
فستاني كان احمر
والشنطه كات بني
وانا ماشيه اتمختر
وعيونه هاتكولني
مشي ورايا يقول
هاتي رقم محمول
انا نفسي اتعرف
وبيكي اتشرف
مارديتش ارد عليه
طب بس اعمل ايه
ومشيت ومحتاره
ياخواتي ياخساره
دا كان جدع امور
ومشيت عشر خطوات
لقيته قدامي
فارس لاحلامي
قالي مانش ماشي
ياحوستي ياخراشي
قمر نزل ع الارض
حاسيت برعشه وبرد
شوفت ليالي السعد
ف نظره جوه عنيه
السلسله فضه
فيها حروف وحروف
وايه الكرسي
تطمنك م الخوف
عيونه غزلاني
سحارتني ف ثواني
ووقفت ف مكاني
مش عارفه اعمل ايه
شفيفه الوردي
ضحكتلي كام ضحكه
فتحتلي السكه
اني ارد عليه
دا كان ف يوم العيد
واللبس كلو جديد
قعدت انا وهوا
علي البحر والكورنيش
يحكي ويحكي كلام
وحلاوت الايام
وازاي معيا يعيش
وقالي انا حبيت
من نظره وحده بقيت
عاشق لايامك
فارس لاحلامك
ايديكي راح اطلبها
وعلتي راح اجبها
عندكو ف البيت
ضحكت من قالبي
وقولت ياربي
نفسي يكون جمبي
العمر كلو ياريت
وفجاءه جات وحده
وقفتله علي الوحده
اتاريها كات صحبته
وحببته وخطبته
ودبلته ف ايدها
والعيد دا كان عيدها
يخرج يفسحها
بس هرب منها
وعجبه فستاني
الاحمر الجديد
وقفت مستغربه
حاسه اني متغربه
ودمعه مخنوقه
وفرحه مسروقه
وحيره ملكاني
مهو برده فستاني
بيلفت الانظار
وقالبي كان محتار
ملي حصل منه
ورجعت قالبي وحيد
واتاريه تعارف عيد
ليست هناك تعليقات:
إرسال تعليق