يا سفاحه .. بقلم مياده محمد عبد العزيز
عليه النعمه مش هتشوفي يوم راحه
واستني عقاب ربك ياسفاحه
هتعيشي هموم ف هموم
ومش هتشوفي راحه ف يوم
واستني عقاب ربك ياسفاحه
خلاص عملتي مايحلالك
ونفذتي الي ف دماغك
ولا خوفتي عقاب ربك
ولا خوفتي علي عيالك
قتلتي ابني ف احشائك
عشان ما ترضي اهوائك
وبتتحاجيجي بظروفنا
دا ربك دا الي رازقنا
رازق الدوده ف الحجره
والعصفوره ع الشجره
ولما زرعنا بيموت
بيحيه تاني بالمطره
حرام عليكي ياسفاحه
مش هتعيشي مرتاحه
وقاسي قلبك او وجبان
وغداره كما التعبان
ياغداره وحالها يغم
دا ظلمك لما عملك ام
وخايفه اوي علي جمالك
عشان تتهني بشبابك
عقاب ربك دا هيصيبك
ف صحتك وف عيالك
انا مش باقي عليكي
ولا واثق خالص فيكي
وكل حناني اديتك
وخربتي قوام بيتك
اامان بس تاني اذاي
ليكي انا ف عمري الجاي
انا مش قادر انا اسمحك
ولا ابص ف ملامحك
ظلمتي انتي كدا نفسك
وادعي ربنا يسمحك
اما انا هاعيش ابكي
علي زمبي ف حق الله
لما اخترت زوجه عاصيه
متعرفش تخاف الله
ليست هناك تعليقات:
إرسال تعليق