يالى تعاكس البنات ... موال الشاعر صبرى قنديل

يالى تعاكس البنات ..موال الشاعر صبرى قنديل

يالى تعاكس البنات
فى الرايحه والجايه

أعمل حساب أخرتك
وأهدا بئا شوايه
ونكنش ليك أخوات
طب فين الرجوليه
البنت عوزه فارس
ليها من الزمان
عيون البشر حارس
وعارف معانى الحب
وفى قلبو حنيه
مش عوزه حكاوى
وكلام
وتلعب كمان بيها
وتعشمها ياواد بالحلق
ومتجبوش ليها
وتعيش يومينك معها
وتخلا أوام بيها
ولا يصعب عليك دمعها
ولا جرح أنجرح فيها
خسيس وعمره طويل
أما الأصيل راحل
والدنيا سرك كبير
أما الزمن ساحر
يسحر قلوب الناس
ويأسو على بعضهم
فى ناس قلوبها فضه
وناس قلوبها دهب
وناس قلوبها صفيح
وناس قلوبها حجر
وناس قلوبها ماس
عينى عالأسد لو
يشيخ يدهوسو
عليه الناس
الدنيا زى الكنز
وعليها اللصوص
حراس
أنا قولت أكتب
وقول يمكن يحسو
الناس
أمرد واحد وقالى
أصحا فوق ياشاعر
هو أنت ليه مش
شاعر بأن زمنا ده
خالى من الأحساس

كلمات الشاعر
صبرى قنديل