بجد انا حزين بقلم كمال كرباش

بجد أنا حزين .
على الحال اللى بشوفه
بتمر السنين .
ويفضل الحال على حاله
إكميننا ما بنتكلمش 
إكميننا ما بنشتكيش
واﻻ ﻻننا ما بنعرفش
نخدع او نغش
غلطتنا أننا ساكتين
راضين او مش راضين
اﻷلم بيوجع فينا
وبنفضل مستحملين
مش عايزين
نصرخ ونقول آه
ايه الفايده
ما مفيش حاجه بترجع لوراء
الدموع اتحجرت فى العيون
بايه تفيد وايه يكون
ما الحال هو هو
ايه اللى أتغير فيه
اللى تبات فيه
تصبح تانى يوم تﻻقيه
أنا مش بشتكى ﻷى مخلوق
بس عايز اللى غفﻻن يفوق
ويفتكر كﻻم أنا قلته
ورفعت أيدى للسما لفوق
يارب يا قادر على كل مخلوق
رد المظالم ﻻصحاب الحقوق

الشاعر كمال كرباش