ايام زمان
بقلم ايمن البلاط
بقلم ايمن البلاط
الجيران فين الجيران
اللى كنا معاهم زمان
كنا نقعد لمه وعيله
ونجتمع بأى وسيله
فى فرحنا وحزننا
وكان حضن واحد يضمنا
كنا نجرى كنا نهزر
كنا كل حاجه نكسر
حتى الحواجز والسدود
مكان ليها فى حياتنا وجود
كان بينا محبه وسلام
وتقدير وكل احترام
راحت فين هى انهارده
حتى الضحكه فى عيونى شارده
الهموم كترت علينا
نستنا حبايبنا واهلينا
الجيران فين الجيران
اللى كنا معاهم زمان
رحلو ورحلنا
بعدنا وبعدو عنا
انتى يادنيا عايزه ايه
تقربينا
وتبعدينا
واخرتها معاكى ايه
اخرتها معاكى ايه
بقلم ايمن البلاط
ليست هناك تعليقات:
إرسال تعليق