*ليكي مش عاوز أشوف *أحمد جمعه عاشق يتألم

 

*ليكي مش عاوز أشوف *

فاكره لما كنت أقابلك مره صدفه وأبتسم
وألف وشي م الخجل ويا الكسوف
شاب بيتكسف يادي الكسوف 
وتجيلي عشان أسلم 
ولما آجي أتكلم 
يضيع مني الكلام وتقع مني الحروف 
دالوقتي راجعه بتقتليني
وضيعتي حبنا
والشمس راحت ف الكسوف 
والقمر عمه الخسوف
خلاص ليكي مبقتش أشوف 
ولا عاد جوايا م البعد خوف 
قسمت قلبي لعدة رفوف
رف ليكي يكره
رف شايله لبكره
ورف سايبه للظروف
صدقيني ليكي مره تانيه
مش عايز أشوف

أحمد جمعه 
عاشق يتألم