اتقابلنا بقلم ايمن البلاط

اتقابلنا
اتكلمنا
اتحاورنا
اتشاورنا

فى كل حاجه

فى اى حاجه

اصلها مش محتاجه

اللى فى القلوب بسرعه طلع

وكل واحد منا براحه لتانى سمع

طبطبت ايدها عليا

بكل حب وحنيا

سمعت حكايتى وقصتى

بكلامها وبغرامها

اداتنى تانى فرصتى

فى الحياه اكون شجاع

وحقى اخده بالدراع

وحكتلى قصة غرامها

من يوم مالسهم صابها

قصه توجع القلوب

هجر المحب للمحبوب

هو دا حال العشاق

بعد وحرمان وفراق

اتقابلنا
اتكلمنا
اتحاورنا
اتشاورنا

بالحقيقه وجهنا بعض

ان الحياه مقساه وصعب

ادى الحكايه
وادى الروايه

احنا الاتنين نفس النهايه

ما فينا حبيب خد حبيب

ولا لجروحنا لقينا طبيب

بقلم ايمن البلاط