جينيه حبوبه
دربت ليه الودع
مامهمنيش حاجه
طلعلى حته جدع
أعصابه تلاجه
وعملت كل البدع
لجل ما يرضا أمال
دنه عروسه قمر
أيه لكل جمال
نديت عليه وقولتله
عوزاك تكون ليا
نظرلى نظره رضا
مليانه حينيه
وقالى قلبى معاها
مش ملك لأيديا
هاتو الأطبه قوام
يشوفو أيه فيه
قلبى بكا م الجرح
والعشق مش ليا
مش رح أعيش ع الأرض
دنه سكنى ف الميه
وحبيبى انسى م البشر
وانا أصلى جينيه
أنا عاوزه كام معجزه
تنجدنى من ال انا فيه
قلبه بعيد عنى
مش عارفه أعمل أيه
حيرانه متحيره
ولاعمرى عشقت ف يوم
وميتى معقره
وشايله ف قلبى هموم
شبكنى شبك الهوا
قلبى مع أينسى
وانا عشقى ملهوش دوا
لو أصحى بنفسى
علشان حبيبى يعيش
بالقرب من قلبىه
ياموجوعين ذى انا
تعالو شوفو حالى
أنا ببكى ليل ونهار
وعذابى يحلالى
خايفه أخطفه واطير
على ميتى وبحرى
يدوب الودع ف البحر
ينفك يوم سحرى
ياأهل الغرام دلونى
وقولى أعمل أيه
خايفه أخطفه واطير
يبقى رح أجنى عليه
ياقلوب وطالها الوجع
خليكو ف مكانى
شوقى زايد للجدع
زودلى أحزانى
نقشتله الجنه
ولبستله الخلخال
علشان قلبه يميل
قلبى أنا اللى مال
ولا عدش عندى أمل
أنه يكون ليه
ولا قلبه رق وحن
ولا حسن يوم بيه
حلاص فقدت الأمل
ولا عاد كلام ينقال
بقلم / مياده محمد
ليست هناك تعليقات:
إرسال تعليق