قصيده : ( حلم غريب )
جاني في يوم
على غير العاده
حلم غريب
اني في بلدي
القى العيش
القى الميه
النور بزياده
حلم عجيب
حلم مريب
اني اصلي الفجر ف وقته
ولا اتثبت
اني اعيش
اني اقول الكلمه مخافشي
يقوم تفتيش
على افكار من باطن عقلي
تروح ماتجيش
فجأه لقيت الباب بيرزع
اثبت عندك
ايه ياشويش
أنا مطلوب على وجه السرعه
ليه ياشويش
انا مش عارف
عندي اوامر
رحت معاه مش عارف ليه
اني حلمت ف لحظه طيش
اصل الحلم صدرله قانون
يحبس فورا
من رأى حلما
يوحي بإنه
ف بلده يعيش
قضيت سجني
وقلت اسافر
يمكن الاقي بلادي في غربه
إني اعافر
إني احلم بالتغيير
اني الاقي لحلمي سرير
ايوه مسافر
لجل اعيش
#بقلم_شريف_عويس
ليست هناك تعليقات:
إرسال تعليق