العاميه
بالعاميه يتكلم كل الشعب
بالعاميه تكلم صحبك
امر سهل ماهواش صعب
بالعاميه تغازل حبك
احلى كلام يتقال والرب
بالعاميه تكون بسيط
وتمشى بيها فى اى درب
بالعاميه كلام كتير
فيها المدح وفيها السب
بالعاميه تهز كيان
وتدخل بيها كل قلب
بالعاميه حماس وطنيه
وتكسب بيها كل الشعب
بالعاميه حنو علينا
تربحو فينا احلى سواب
بالعاميه ياناس اخرتنا
داحنا خلقنا من تراب
بالعاميه يقول ابطالنا
احنا حقيقه مش سراب
بالعاميه اكلم نفسى
واقولها اجمل خطاب
بالعاميه الاغلبيه
كبار صغار بنات وشباب
بالعاميه ليه كرهنها
ادى سؤال وعايز جواب
بالعاميه تحبنى احبك
و بردو من غير اسباب
بالعاميه دغرى اتكلم
بدل السفره اقول طبليه
وافرش واقعد على التراب
بالعاميه بالعاميه
فى ايد قلم وايد كتاب
بقلم ايمن البلاط
ليست هناك تعليقات:
إرسال تعليق