خاطرة "عيب يا مدام " بقلم الشاعرة مياده محمد
عيب يامدام
ياستي خلاص
حرام والله كدا عليكي
ياستي خلاص
ابوس ايدك ورجليكي
خفي حبه م الطلبات
وقولة هات
دا انا راجل علي قدي
ولا نجار ولا دكتور
ولاجزار بقي انهدي
دا انا موظف بكام ملتوش
وكام مليم وحبه قروش
ولو دوله ف يوم ميجوش
هنموت م الجوع بقي ردي
ياستي افهمي بقي شويه
انا هديكي المهيه
تجيبي سخام تجيبي لطام
دي مهيه سنه لقدام
واسمعي بقي ياوفاء
سيبك من مدام نجلاء
دي جوزها تاجر من التجار
بيكسبله ف كل نهار
ميئات وميئات
وليها الحق تقولو هات
ياستي بلاش تبصي لفوق
مسيرها يوم بقي هتروق
وطلباتك بقله زوق
هتخليني احلف يامينات
دا انا خايف من الجيات
ومش حابب لقولة هات
ياستي اصبري امال
دا ابنك الكبير شغال
عشان حاسس باوجاعي
والتنميله الي ف دراعي
ولا بطلب دواا ودكتور
وماشي وبشكي اوجاعي
لقلب حنون
ورب غفور
هاتعيشي معايا علي الحلوه وعلي المره
ومش عجبك يلا اطلعي بره
وم الساعادي راح تبقي بقي حره
انا تعبان ومش ناقص دموع واهات
ياستي ابوس دماغ ام
دا بيتي ده ف يوم لمك
وحضني دا اللي بيضمك
وشعرك شاب علي اديا
ياستي خلاص
اختشي علي دمك
وساكته ليه مبتروديش
انا هاكل بملح وعيش
تعيش ماعيا كدا علي طول
ياما تخرجي مجيش
خلاص ياكل امالي
يارجلي وعزوتي ومالي
حبيب عمري واحلي ايام
وروح قلبي ياابو عيالي
خلاص حقك بقي عليا
يامرسي امان وحنيه
واحلامي وايامي الجيه
هعشها كلها انا ليك
مافيش طلبات
مافيش حكيات
وانا بقيا علي العشره وسنين عشتها انا ليك
ليست هناك تعليقات:
إرسال تعليق