الى صديقى بقلم جمال محمود

الى صديقى الذى ينام فى الابديه......
مسافر لفين
يا قلبي الحزين
بتصعد تلال
وراها جبال
وتسقط صريع
فى ارض المحال
تلاقى سراب
وحواليك ضباب
مسافر لفين....مسافر لفين
لابعد مكان
يكون فيه امان
وترتاح برحله
ماكانتش سهله
تحط الرحال
فى ارض الخيال
تلاقى ضباب
مغطى سحاب
وفارش خيوطه
وكاتب غيايب
بيسال ايهاب
مسافر لفين.....مسافر لفين
لقلب الحنين
ما ضاع الحنين
فى عرض السنين
وفضل السؤال
لبعد البدايه
وقبل النهايه
معاك انت ايه
مابين الايتنين
.......
معاك قلب صافى
معاك حضن دافي
معاك جملتين
حفظهم فى عقلك
وصوتهم رنين
معاك اغلى دين
وكلمة امين
دليلك تدلك
تسافر لفين ...تسافر لفين
بقلم///جمال محمود....