يا احزانك يا غزه......
وقف السعير....يا مستجير
رمضاء بنار
وخوف معشش فى الديار
متركش فيها غير الدمار
الفين شهيد.....
والجرحى فى قلب النهار
من دار ...لدار...لدار
اروح بريئه.ماتت جريئه
ورفضه م الاصل الفرار
منفعش فيها الانكسار
روح بالعزيمه..عايشه
تقاوم الاحتضار
حلفت توزع الامل ومهما صار
ابن الغلول ما يدعيش الانتصار
احنا جنان الخلد مفتوحه
زهرة شبابنا فى انتظار
اما العدو اشلاء فى نار
تحرق قلوب ..الصامتين
والشاجبين ...مستنكرين
واللى باعوا الروح بفلس وبدينار
جاى النهار ....جاى النهار..يا غزه
جاى النهار
بعد احتقار ...بعد احتضار
وبعد كبدى اللى اتكوى
بموت الصغار ويا الكبار
ربى العظيم قادر
يغير فى المسار
ليست هناك تعليقات:
إرسال تعليق