الكلام ممنوع _بقلم الشاعر رامى شاعر علم النفس

 

الكلام ممنوع
_______
كانو بيقولونا فى البيت

ان الحب عيب
وحرام
وقله ادب واحترام
وكانوا فى المدارس بيشرحولنا
ان الحب كلمه من ضمن الدروس المخله
ولو ولد وبنت ماشيين فى الشارع مع بعض
يقولوه عليهم شمال ويمين
وكلام كتير ملوش اى تفسير
حسسونا ان الحب هات وخد
وكلام يخض
بس نسيوا ان وجود الحب فى القلب
زى عضه الكلب
اصله جوه مش بره
افهموا ولو مره
وسبونا نحب
ولو شفتوا اى غلط اوكدب
امنعونا
يكشى فى وسط الشارع بالرصاص تضربونا
وتعلقونا
وطلعونا
فى نشره الاخبار وتقولو عيال حبت واهى شالت مسئوليه القرار
بس متحاصروناش بالنار
وسور جبار
وحاجز يمنع احساس الاختيار
احنا بنى ادمين
ولو نسيتو ان مصدر الحب ربنا الكبير
يبقى من حقكم متفهموش الحب ده يطلع مين
علمتونا منضحكشى والضيوف موجودين
وقولنا ماشى
معا اننا كنا عيال
وفهمتونا ان اللعب فى الشارع
فعل فاشح
عارفين
انتو بنيتو العماره
من غير اساس
من غير حتى باب او ترباس
دخلتو فينا احساس
كده هنعيش وكده هنعيش
تعالوا شوفونا دلوقتى
بقينا فى اى حاجه بنحتاس
خلتونا جريمه وشاهده عليها كل الناس
حبستونا فى اوضه مفهاش ولا نور ولا هوا
وحتى حيطانها مدهونه بريحه السواد
وقله الهنا
عايزنا نطلع ايه
غير معقدين
وخاينين
وكدابين
ومجانين ...
يا ساده
يا محترمين
الكلام ممنوع
بس
فى حاله
بعدنا عن ربنا
وعن اصلنا
وعن اننا نكون غير كده....
تأليف
...رامى شاعر علم النفس....