أنا فلاح ورصيدى زرعتى
مع كل صباح ادعوا دعوتى
وأقول ياحى يا قيوم
اجعل يوم حصادها عيدى وفرحتى
بعزاء الارض وحط الحبه
أشوفها تكبر حبه ورا حبه
وأحط السماد بمعيار
وأحول الحوال واسقيها بمحبه
الارض حياتى وانا منها
مخدتى ترابها وحنتى طينها
بترد روحى وانا فيها
وبعرقى اسقيها وأنئيها وحسنها
فين قطننا طويل التيله
الى كنت بصدره بفلوس كتيره
اجهز ولادى وأشترى القراريط
اوابنى بيت يلم العيله
ضحكوا علينا وخدوا ثروتنا
وزرعولنا فكهة خربت بيتنا
فضيت جيوبنا وبانت الخيبه
ولاد الكئيبه سرقوا بزرتنا
ليست هناك تعليقات:
إرسال تعليق