انتخبوا الريس عجوره...شعر محمد عبد العليم
الريس عجوره ... في الصوره ....
راسم ع القوره حاجات........
بيهني في الجوازات ......
ويعزي في الجنازات ..........
ماهو نازل الانتخابات ....................
تلقاه فلاح وساعات فئات............
ومركب على حنكه الشنبات ........
وضامم لركبه مفكات .......
ولامم فى الحاره فتوات .......
الريس عجوره لو مات ........
ح نشيع فى البرقيات ............
وح نطلع بمظاهرات .......
ح تضم ملايين ألوفات ...........
ونبايع أبنه بوقفات ......
عجوره خلف رجاله ......
وح ترقص ويانا الستات ...........
عجوره دا صوره وحاله ............
في الشارع و الحارات ................
عجوره البطل المغوار ............
ح نكمل وياه المشوار ..........
عجوره دايما في الصوره ........
رسمه فى الصحف المنشوره...
بيوزع أحلى هديات .........
بيوزع شامبو وبنبوني ......
ويرن عليا تليفوني........
وساعات يتكلم ع الشات......
وبيعمل دايما حركات .....
يتكلم ويهز دراعه......
يحرك ناسه وأتباعه.....
ويفرق ع الجمع البركات......
وياما... مر حدانا وفات .......
ويسلم ع الرجاله والستات......
أنتخبوا الريس عجوره .......
عجوره محتاج لصوات ......
صوتي يا بهانه يا تعبانه.......
ونادي الست العيانه.........
صوتوا يابنات........
عجوره مات ......
قبل الانتخابات .....
محمد عبد العليـم
ليست هناك تعليقات:
إرسال تعليق