((( بتقولى ))) بقلم // حاتم صلاح انور

بتقولى
*******
بتقولى نسيكـى انـا مـش نـاسـى
مشغولة بيكى جوارحى واحساسى
و رسمتك صورة بهالة نور
احاكيها فى الوحدة تواسى
البعد ما بينا مسافة وزمان
لكن حبيبتى بكل مكان
رغم اى حدود و بحور
مشغول بالى ملهوف وجدان
تطول غربة بليالى صعاب
املى فى بكرة مش كداب
كل طلعة ضى نهار
احس البعد كفانى عذاب
و بتنسم فى عطر الورد انفاسك
يميل الغصن للزهرة يبوس راسك
يدور بينا للشوق حوار
يرجفنى نبض احساسك
واطلق لخيالى عنان مكبوت
اكتم اهاتى أنينى سكوت
الغربة تعزف على الاوتار
يوم صعب على تانى يفوت
متقوليش ناسيكى انا مش ناسى
يا مالكة جوارحى وحواسى
بقلم / حاتم صلاح انور