((( براءه غريبه ))) بقلم // رامى ماهر

 

براءه غريبه
.............

سمعت بودنى...

وشفت بعينى ...
حكايه كلمه..
قلبت موازينى...
طفله فى سن اعدادى...
بس كبرت وبقت اكبر من العادى...
حصل معاها موقف ...
يمكن يكون بالنسبالكم اعتيادى...
فى يوم كانت بتلعب مع اللى زيها...
فى بيت مقفول.. ....
فجاه قطع النور...
حست بلمسه ايد...
من حد قريب منها...
مش بعيد...
سكتت افكارها...
ومكنش الاحساس متجوز...
اتكلمت طفولتها...
بلسان براءتها...
قالت...
لازم احافظ عليها واستحوذ...
نجحت فى انها تبقى زى ماهى....
فرحت بثوره براءتها ع لمسه الايد...
بس نجاحها اتصدم فى فشل رجوع النفسيه....
وانعدام الوعى وهلما العديد...
يعنى طفله فى سن الرشد...
ومبقتش عارفه هى مين...
عقلها وقف عند الحادثه...
ورفض انه يكون وسط البنى ادمين...
عشان لو خرجت من البيت...
طبيعتها هتمنع قواله انا موجوده .....
او حتى انا جيت.....
وانهم هيقولوا عليا...
مجنونه من المجانين...
ال هما يعنى عاقلين...
يا ساده كلنا مرضى نفسيين...
بس الفرق...
ناس بتاثر عليهم الصدمه ...
كليآ...
وناس من غير احساس...
يعنى انعدموا...
اخلاقيآ...
ووجود الفكر البرىء......
____________
وجود الفكر البجح الجرىء.....
= انسان نزل البحر معرفش ان فيه غريق....
طفله حكاتلى حكايتها....
وكلامها كان متلخبط...
بتجيب القصه من نهايتها...
وبتشرح تفاصيل تاثيرها...
وتبدا تعيد وتبكى...
وفى وسط الكلام...
تقول انا تمام...
ومش راح ل حد اشكى...
سكتت شويه وسألتنى...
يعنى ايه شاعر علم النفس...
انا كنت جايه عشان اسئل السؤال ده...
منا نفسى بقالها كتير فى الحبس...
بص اقولك تصبح ع خير ...
وابقى اعمل لنفسى شيير...
حسيت انى ..
زعلت..
بكيت..
فرحه شويه ..
مع نفسى حكيت....
وبعديها..
اتخضيت..
اصل حصلى كذا تاثير فى وقت واحد...
مش فاهم اذا كنت نايم ولا صحيت...
وطلعت حكايتها حقيقه والدليل شاهد...
لقيت ورقه مكتوبه بخطى...
بقول للطفله فيها ردى...
يعنى ايه شاعر علم النفس..
يعنى باخد الحكايه من جوه بهمس...
وهسمع للناس اللى اذوكى...
اللى ملهمش علاقه بالاحساس..
كلام كهرباء..
وهخلى نبض قلبهم يحصل فيه ماس.
يوصل لعقلهم وافكارهم تحتاس...
ايوه بكلمكوا انتوا...
واسمعوا الجديد...
الطفله هتعلمكوا ...
يعنى ايه انسان يتوه ...
وميعرفش هو مين بالتحديد...
وتستخبوا زيها عن عيون الكل...
وتعيشوا بذنبها فى اذل ذل..
وبما انها اختارتنى اكتب حالها..
لازم عليه اشيل وجعها...
مهمتى مش هتكون ...
انكم تسمعوا كلام شعر وموزون..
وهرجعلك طبيعتك مهما يكون...
عشان احاسيسك براءتها..
عجيبه...
وعشان كده سميتها...
براءه غريبه...
....تاليف...
..رامى شاعر علم النفس...