ماتش كورة
ماتش كورة مش هزار
زحمة خانقة ضرب نار
الإعدام محتاج قرار
صاحب القرار أعمى وأصم
النهار طب ليه حبيس
حبيس فى طالة الانتظار
العمى صاب الشاشات
والكلام زى ال فات
من سنين قلبى الحزين
قام و هج من سكات
بعد م تف على اللئيم
اغلظ كده كام يمين
انه مايتابع كدبهم
ويبعد اد ما يقدر عنهم
دول كدابين بتوع اشعات
شوف وعد يجى كام ضحية
دول يجيوا الف ويقولوا مية
مية مية التمثيلية
ناجحة فى اخراجها الشاشات
فتوشوب للحقيقة
اتبدلت كل الصور
الجانى هو الضحية
واحنا بنوجع فى قلبنا
جوة البيوت متقسمين
ع القهاوى متقسمين
دخل الفراق بين الاخلة
وهوة بيدبح حلمنا
لابس تيشرت للفريق
حلم الفوز حلم بريىء
رايحين نشجع ...بس
نسينا نودع اهلنا
قفلوا الممر والطريق
والدخان خرس صوت الزعيق
بصيت لصاحبى
ومسكت ايده قولتله
كنا فريق تشجيع ناجح اوى
فاكر زمايلنا فى بورسعيد
اتأخرنا كتير ... اتاخرنا عليهم أوى
هنموت نموت مش لوحدنا
بكرة هينزلوا من جديد يطالبوا بحقنا
ولما يملوا م الهتاف
والغاز يخرس حسهم هيسكتوا
زى ما سكتنا قبلهم
خرجت ارواحنا متشبكة الايادى
والتفت تحت
قولت اودع ارض بلادى
لقيت الماتش بيتلعب
والجانى لسه واقف مطرحه
وياريته كان هرب
ده بقى بطل كمان وكمان شجاع
يا ميت خسارة خسر الى اشترى ..
أهو فاز ال باع
يا بختهم بكدبهم
بكت عنيا ع المصير
المشاهد طب ليه ضرير
قفل التلفزيون وهات شخير
وامى لسه مجفش دمعها
محمدحسانين
ليست هناك تعليقات:
إرسال تعليق