شهدء الاهلى والزمالك _ بقلم الاستاذ _ياسر شرف

 

شهداء الاهلى والزمالك
==============
ملعونة دلوقت الكورة منفوخة دايرة وملعونة
لعبتها وانا صغير وكرهتها وانا متحير
دلوقت يعنى باتألم واقول ياريتنا نتعلم
دى رياضة يعنى ولا ميدان قتال وحرب وحرق كمان
تحبها يعنى فى حدود وتروح تشجع تصير مفقود
ده عقلكم راح فين يا شباب ليه تهدموا كل الابواب
دى لعبة برضه رياضية اخلاق وحب وتسلية
كنا نقولها يعنى زمان دلوقت حرب فى اى مكان
ليه يستغلوا اى شباب فى بلطجة وبدون ده حساب
دى لعبة حلوة وحساسة ملعونة ومنفوخة بسياسة
طب ليه تنط وتجرى كمان ومنفوخة غل وحقد تمام
دى كاوتشة منفوخة بالاهواء وادمانها يبقى هو الداء
واصرخ واقول طب ليه ده كتير قتلى بيقعوا بدون تفسير
اشرف وحيد وحبيب والديه طالب فى طب وده ذنبه ايه
رايح يشجع للكورة يموت فى ثانية ويصبح صورة
سامع صراخ ونحيب والديه بيبكوا دم وحزن عليه
ملعونة دلوقت ملعونة واسمها برضه الكورة
وكريم يتيم وجميل ورزين ودع ده عمه فى غمضة عين
ومعقولة ده بره النادى يموتوا يعنى اولادى
مين اللى قتلهم وعشان ايه عفريت ده يعنى ولابس ايه
وبيستخدموا ليه الشماريخ وخرطوش يصيب وخرطوش بيطيش
دى معركة اكيد حربية مش لعبة فن ورياضية
ويقولوا التراس اهلاو ى والتانى يبقى زملكاوى
ويتعاركوا برضه شمال ويمين على ايه ده هم مش فاهمين
وفى السما اصبحوا الاتنين شهدا واحبا متحابين
فى الجنة حب وود كمان والكل بيجيب فى الاجوان
وكرهتها اصل وصورة ملعونة واسمها الكورة .

مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون