حلـــــــــــــــــم مشــــــــــــــــــــــروع....وليه لا
بحلم ببلدى تتملى اخلاق
والقيها ماشيه فى الاسواق
ضحكه فى وشوش الناس
زى رزاز الماء
وناس جيوبها ملانه وهو بيت الداء
انك تلاقى فقير فرحان وقلبه راق
بحلم ببلدى بلا نهر جهل
ولا فقر ولا اى داء
بحلم تعود الشهامه
ويبان لها اضداء
ونور ينور بلدنا
ويسعد الاجواء
بحلم بعدل بقوته
يخلى كله سواء
والضله هاديه رقيقه
راحه بعد عناء
بحلم بزرعك يكفينى
ويفيض لطير فى اى سماء
وبحلم باستاذ ولابس
بدله زى زمان
شباب وعنده الامل
يشوف الحياه الوان
بحلم يابلدى تجمعى الخلان
والكل عايش بدون احزان
بحلم اننا نعرف قيمة الانسان
لكل ماهر مكانه وللكفاه مكان
ننهض نعوض سنين
ضاعت فى كلام فتان
واترينا لسه هنا
واقفين بنفس مكان
بقلم //جمال محمود
ليست هناك تعليقات:
إرسال تعليق