ام الشهيد
يا ضنايا يا عمرى
يا بسمتى وفجرى
يا نجمى يا قمرى
ضربوك يا واد بالنار
قلبو حياتى مرار
سالت دماك ع الارض
ظهر دماك توبك
قمت اصلى الفرض
قدرى ومكتوبك
فضيت علية الدار
طب مين يدق الباب
بعدك ما فيش احباب
هعيش كما الاغراب
استنا يوم موتى
عايشة سنين احزان
ريحتك ف كل مكان
موجوعة من الحرمان
تايهة ف ملاكوتى
انا بنباها انا بيك
برغم حزنى عليك
وحزنى على فرافك
يا سنين وحوشتها
واليوم انا خسرته
ودفنتها ف قبرى
وليلى خلاص هيطول
ما خلاص غاب قمرى
بصرح وانادى عليك
دى روحى كانت فيك
ياضنايا يا ولدى
كنت السند لية
وحبيبى وعينية
طب يشيل كفنى
ومين هدفنى
شيفاك ف احلامى
بتقول لى يامابا
فى الجنة ويايا
دنتى ام الشهيد
ساعة طلوع الروح
لقيت عطور بتفوح
ياضنايا حوالية
شوفت بنات الحور
وافقين داير ما يدور
وساقونى كاس مية
فية الدوا والصبر
ساعة دخولك القبر
وملايكة واقفة صفوف
عشرة ومئات والوف
على القبر قدامك
وملايكة خدامك
بامر من الرحمن
رحمة ف كل مكان
يارب صبرنى
على بعدة قدرنى
اولادنا بيموتو لجل الشرف والعرض
اولادنا بيضحو لجل ما يحمو الارض
ام الشهيد دى الكنز
اللى ابنها فاتو
حافظو على امة
دة ضحا بحياتة
لجل ما انت تعيش
ف عزة وكرامة
ودى دعوة من امك
يكفيك شر الغيب
ولا يتوجع قلبك
ابدا ف يوم لحبيب
اصل الضنا غالى
ونارة لهيب بيقيد
دى وصية من قلب انكوا
من قلب ام الشهيد
بقلم / ميادة محمد
ليست هناك تعليقات:
إرسال تعليق