:::::: كما تدين تدان ::::::
فضل يعاكس في بنات الجيران
ويصاحب سلوى و نانسي و إيمان
بالليل بيشيت ويا حنان
أويكتب بوست في مدح سوازن
ده غير البنت اللى عند دكتور السنان
ويركن أميرة ع الويت علشان
في الوقت ده سهران مع أسمهان
أصله ماشى بكام خط
فودافون و إتصالات وموبينيل كمان
يعدي عمره ويجرى الزمان
بيفكر يبقى العم فلان
ويكون أسرة ويبقاله كيان
ماهي دي طبيعة أيها إنسان
طلباته بنوتة والشكل جنان
تكون عينيها زرقة زى الحيتان
وتكون محترمة وأخلاقها عالية كمان
من الآخر راسم واحدة في خياله
اللى يشوفها يجيله جنان
عاوزها متفصلة عند نجار بيبان
تصدق ضحكتنى يا عم فلان
إنت ناسى إنك
( كما تدين تدان )
محمد أبو الحسن
ليست هناك تعليقات:
إرسال تعليق