قصة حب صديقي العاشق
::: ( أحمد جمعه ) :::
قام إتوضى وقال هيصلى
فكر يدعى كمان ينساها
قال لأصحابه إيه بيحصلى
أنا وياكو لكنى معاها
:::::::::::::::
قاموا قالوله صلى كتيييير
ع الأيام بكره هتنساها
لما إتوضى شافها قصاده
لابسه الأبيض بس بعيد
شافها بقلبه رغم بعاده
كان في الجامع هو وحيد
قال دا خيال طبعا مش هى
وبدأ يتوضي تاني جديد
::::::::::::::
أول ركعة خلصت عادى
بس دعائه كان مسموع
كان بيعيط للدرجادى
مالى الأرض بحالها دموع
قامت جريت هى عليه
قالت إدعى يكون في رجوع
::::::::::::::
فجأة إتحول كل كلامه
بعد يارب أنا نفسى انساها
بعد مكان تايه في مكانه
قالها يارب ارزقنى معاها
رجعهالى يارب أنا تانى
نفسى يارب أكون وياها
:::::::::::::
أهداء إلي صديقي :: أحمد جمعة
أهداء إلي صديقي :: أحمد جمعة
محمد أبو الحسن
ليست هناك تعليقات:
إرسال تعليق