حوار اليأس والأمل
:::::::::::::
:::::::::::::
* - تقدر تخون ؟
# - أقدر أصون !
* - عايز تعيش ؟
# - عايش وراضي بالمفيش
# - بالله عليك ؛ أسكت وخد مني الأهم
دا أنا كنت باحلم وفي حلمي كنت هناك باطير
شايف وشاهد إن لسه الكون بخير.
* - أديك قولت حلم!
# - كيوبيد هناك فوق السحاب إسأل عليه
يمكن ينوبك منه سهم
وساعتها هتشوف الغرام
وتحس إن الكره مخلوق من رحم الحرام.
* - عشمان في خير؟!!
# - عايش وراضي بالمصير
والحزن مهما يطول أكيد
فجر الأمل ماهوش بعيد
يغزل بنول الصبح أحلام من جديد.
* - إنسان عنيد !
# - لا لا لا
# - إنسان وبيحب الحياه
وعارف إنه في أمل
ولو عنيد..
مستني مسير هاييجي عيد
وأعيش مع حبي الوحيد
!!!!أجــــمـــل حــــيـــاة!!!!
محمد أبو الحسن
ليست هناك تعليقات:
إرسال تعليق