بيسرقوكِ منى محمد حسانين

بيسرقوكِ منى

بيسرقوكِ منى
لاء بيسرقوا منك أنا
ويسرقونى ويدوقونى طعم الحنين 
بيعلمونى الخوف بيعلمونى إزاى
أدارى بدموعى شموع الجدعنة
بيدوقونى مرار البكاء
بيعلمونى الموت فى الخفاء
ويفهموكِ إن السكات طريق جميل
مع إنه ذليل زى نهار راح إختفى
وسط الغيوم كل الزهور دبلانة ليه
كل الطيور سجينة فى أقفاص حزينة متستفة
لآن الحديد مات الجديد فرح الشيطان قام إنتشى
على كفوفك لاء على كفوفى أنا
نقصت حروفك عدد ذكرياتى المؤلمة
عجزت حروف الكلام تفسير جراحنا سوا
بيبعدوكِ ويخوفوكِ ويشوهوا صورتى
مع إن صورتك هى أنا
محمد حسانين