بستنظر منك مرسالك - من ديوان ( تجار الحب )
بقلم محمد البلاط
بستنظر منك مرسالك
يا تجينى يا اما انا اجيلك
القلب ملهوف لحنانك
وبشوقي وحبى بغنى لك
واصبر قلبى على ميعادك
بـأمانه ما تطول غيبتك
محتاجه كثير انا لحنانك
ولو كانت غيبتك هتطول
طمنى امانه فى مرسالك
احكى لى فيه عن خطواتك
احكيلى عن كل حياتك
وامانه ما تطول غيبتك
محتاجه كثير انا لحنانك
بستنظر منك مرسالك
القلب بيتمنى الفرحه
مش عايزه فستان ولا طرحه
انا طول الليل سهرانه سارحه
بناجى فى طيفك وخيالك
امانه ما تطول غيبتك
محتاجه كثير انا لحنانك
الناس بتشوف حزنى فى عينى
فيه اللى بيفرح لحزنى
وفيه اللى بقلبه يواسينى
طمنى لو حتى بكلمه
امتى يا روح قلبى تجيلى
الفرح مش هيسكن قلبى
لو كل الناس هتغنيلى
القلب بيتمنى الفرحه
مش عايزه فستان ولا طرحه
طمنى لو حتى بكلمه
امتى يا روح قلبى تجيلى
ليست هناك تعليقات:
إرسال تعليق