قطفت عنقود عنب بقلم /ميادة محمد

قطفت عنقود عنب
من شجره الجاره
جرى ورايا ابنها
استنى ياسماره
ورح ماسك أيدى
تعالى وياياه
ضحكت انا قولتله
طب عاوز أيه منى
فى أيده سفاره
قعد يسفرلى
ويغنى اغنيه
ويقولى ياعينيه
حلوه مسليه
شجره وتكعيبه
تشبه غنا رشدى
والشجره ووهيبه٠
جابلى خاتم فضه
وفصوصه م لولى
وقالى يلا البسى
هو اللى شاري هولى
وقعد يتوضا
بالمسك والعمبر
عشان انا ارضى
أصله جدع سكر
لبست انا الشبكه
والزغروته رنت
والفرحه أهه حنت
على حزن ايامى
هاتولى الحنه
والعطر م الجنه
وسرير يكون هزاز
ومخده من الماظ
والورد فى الكوشه
لازم يكون بمبى
وعرسى أهو جمبى
قاعدين ف عنبايه
نحلم بيوم الهنا
وحبيبى ويايا
أه ياعنقود عنب
شوفت سعادتى معاه
وجت معاه فرحتى
غسلت فى قلبى الأه
بقلم /ميادة محمد