فلاحه مصريه
حبوبه وشاقيه
عيونها خضراوى
بشرتها بيضاوى
ودمها السكر
يخدك من الأيام
ويسهرك ماتنام
اول ماتلمحها
تتوه فى ملامحها
وسحر طالتها
تدوب قلوب وقلوب
قلب الحجر بيدوب
من سحر خطوتها
فلاحه بنت الغيط٠
ملكه و ست البيت
واللى كرهها عبيط
ماعرفش ف دنيته
حلاوه الأيام
شقيانه ليل ونهار
طبعآ دى ست الدار
زوجه وأم حنون
عاشقه الحياه بجنون
م الفجر صاحيه قوام
تتوضا وتصلى
وتقول يارب الكون
بالرزق سهل لى
تجرى ترص البيض
وتشيل مشانتها
وتمشى تتمخطر
وحلوه دنيتها
وتروح على الأسواق
وربك الرزاق
وقوام تبيع البيض
وتعود قوام للبيت
ومعها من الخيرات
مايكفى عائلتها
أصحا ياأبو عيالى
ياكل ريس مالى
نفطر انا وانت
وعيالنا وسطينا
ده ربنا الرحمن
ليهم يخلينا
ويلا هات الفاس
ونمشى على غيطنا
ونشغل المحرات
ونروى زرعتنا
والظهر بيأذن
ترجع قوام م الغيط
شايله على راسها غبيط
وفى كتير وكتير
وبسرعه ف ثوانى
تخبز قوام عشها
وكمان رقاق وفطير
وتروح على الجاره
تديها رصه عيش
وكام ربطه حشيش
للمعزه والارنب
تدعلها بالمكسب
فى الدنيا والاخره
يجى الراجل تعبان
تقعد تحت رجليه
تقعد تسمى عليه
وبأيدها دى ترقيه
وتقوله يرضيك ايه
يقولها رضاكى
طول عمرى وياكى
بالجب صينانى
غسلالى أحزانى
ياحبيبتى يامراتى
يافرحى واهاتى
ده لو هلف الكون
ذيك ماراح الاقى
ذيك يافلاحه
ياشجره طراحه
صينانى ليل ونهار
قمره وست الدار
بقلم / ميادة محمد
ليست هناك تعليقات:
إرسال تعليق