سمعت صوت نغم حزين
هز كيانى وشدنى ٠
جريت أدور جاى منين٠
أو حد بس يدلنى٠
لقيت جدع غلبان بسيط
قاعد هناك وسط الطريق
ف ايده حصا وكمان مذمار
حوليه قطيع من الغنم
سارح بفكره ف الخيال
وف أيده ماسك مذماره
غنمه الكتير حوليه تسير
لما بيحكى ف أشعاره
قربت منه وقلت له
الله عليك
دنته مافيش ذيك كتير
ضحك الجدع قلبى أتخلع
وقالى تعالى أقعدى
قولت طب تحكيلى قصتك
رد وقال انام سنين متشوقين
ومليانين حزن وبكا
عاشت لى ناس وماتت لى ناس
وروحى ليهم متشوقه
بس القدر أه م القدر
دايما بيبعد القريب
ويقلب العدو حبيب
وكمان يقرب البعيد
ويصبح الحزين سعيد
ضحكت له وقولت له
وانت حزين والا سعيد
قالى السعاده مش هنا
قالى السعاده ف الرضا
وانك بترضى بالقضا
أملى حياتك بالأمل
وطهريها بالعمل
حتلاقى رحمه ربنا
عايشه معاكى ف كل دار
مش رح تحسى بالمرار
والنور حبقى ف سكتك
انا قولت لك ونصحت لك
والقرار لحضرتك
رجعت من وسط الطريق
قلبى بيصرخ م الألم
وبكيت بشده متأثره
من كلام راعى الغنم
فجريت بسرعه انده عليه
ملقتش له أى أثر
بصيت بعينى فوق الرمال
لقيت أثر لرجول غنم
ولقيت سايب حبه ورق
ومحفظه وكمان قلم
وقالى لازم تكتبى كل الكلام
وأوعى لاتخدك الأيام
وحققى وأتحققى
فين الحلال وفين الحرام
أما عليك راعى غنم
حلمت وياك بالمحال
والا خلاص انا قلبى مال
بصيت بعينى من بعيد
لقيته جى حضرته
يفرش ورود ف سكته
فاتح لى أحضان الهنا
وقالى يلا أدخلى
وعيشى ف قاع بحرى انا
لقلم / ميادة محمد عبد العزيز
ليست هناك تعليقات:
إرسال تعليق