ياللى عينك مش عليا
كلمات الشاعر صبرى قنديل
ياللى عينك مش عليا
نفسى مره تحس بيا
نفسى مره تبوص ليا
نفسى أخد يوم حقوقى
نفسى أدوء الأنسانيه
نفسى مره أحس أنى أنى لسه
فى حسبتك
نفسى أصدق كذبتك
أنا تايه فى الحياه ياخلق تايه
فين مكانى مين يرد ومين ياحققلى الأمانى
مين ياحسسنى بكيانى
مين يقولى المجنى منين
ومين بئا هو اللى جانى
نفسى مره تحس بيا اللى عايش
لجل نفسك مش عشانى
السعاده سلبوها سلب
وشالو كلمة أبن أدم
غيروها وخلوها بائت أبن كلب
المرار صبو الكسات
والقلوب صرخت أهات
فى البطاقه مكتوب ده حى
أما فى كتاب الزمن مكتوب
ده كان أنسان ومات
كلمات صبرى قنديل شاعر
بسيط
ليست هناك تعليقات:
إرسال تعليق