قاعده أهوه
قاعده أهوه عماله بغزل
ف الا عدا والا فات٠
أغزل الأمل لبكره
وأغسل الأحزان بذكرى
تضحك الدنيا ف عيونى
تنتهى كل الأهات
الخيوط عامله ف ايديا
ذى خيوط العنكبوت
ألوانها حلوه ف عينيه
جايبه فجر يمحى موت
يمحى هم ف قلب أم
أبنها أستشهد عشان
أبنه يعيس ف أمن
علشان أمه تعيش ف راحه
علشان أخته تعيش الحلم
الا حلمت بيه زمان
فوق سطوح أبن الجيران
قاعده بغزل
أيوه بغزل ف الأمل قدام عينيه
أيوه بحلم بالرخاء لمصر ف أيامنا الا جايه
أيوه بغزل توب مليان بالنقوش الحلوه أهيه
نقه حب نقه فرح نقه عزه وكرامه للأمه ديه
فكيت دفيرى وفردتها خيمه بتحميكى ياأرضى
ياشرف أبويا وفخر أخويا
وعرض أمى
ياعز أبنى وأمن زوحتى وأيدين شريفه عماله تبنى
أيوه بغزل
أيوه بغزل والخيوط عماله تضوى بين أيديا
الخيوط ضياها يرسم شكل أيامنا الا جايه
فجر طل جوه ليلى
نادا قومى وافتحلى
افتحى البيبان لبكره
جاي أطفى كل نار تحت التراب
جاي أمحى من سنين المصرى لحظه عاشها ف العزاب
جاي أرجع حق كل أم أبنها تحت التراب
جاي أرجع حلم شاب أحلامه شافها سراب
قاعده بغزل
قاعده بغزل والدموعه م الفرحه سالت
قاعده بغزل والروح ف جسدى عليه هانت
قاعده بغزل والسنين الحلوه بانت
بين الخيوط ! والعنكبوت
فرش خيوطه وضللت
بالسلام ع الغاليه مصر
تحيا تحيا تحيا مصر
والفرحه رقصت جوه عينى
وانا قاعده بغزل
بقلم/ مياده محمد عبدالعزير
ليست هناك تعليقات:
إرسال تعليق